Sansar News
राजेन्द्रकुमार बज्राचार्य
कोटेश्वर , काठमाडौँ
सबै मित्रलाई खबर मात्र भो
त्यहीं मात लाग्ने जहर मात्र भो
कहाँ जिन्दगीको नहर बग्छ खै
भुलाएर राख्ने डगर मात्र भो
भयो स्वप्न ठूलो अनौठो कतै
रह्यो जिन्दगीको अभर मात्र भो
गरे खोज भन्छन् उदकभित्रकै
पर्यो हात मेरो मकर मात्र भो
कहाँ मिल्छ साथी सबै सत्य नै
जहाँ देख्छु झूटो सदर मात्र भो
बहर : मतकारिब मुसम्मन महजुफ
अर्कान : फऊलुन् , फऊलुन् , फऊलुन् , फअल्
वजन : १२२ – १२२ – १२२ – १२
काफिया : अर
रदिफ : मात्र भो
अभ्यास : हाम्रो गजल पाठशाला
वि.सं.२०८२ चैत २८ शनिवार ०८:२८ मा प्रकाशित
