हामी सबैकाे संसारन्यूज

१७ असार, रामपुर (पाल्पा) । पूर्वखोला गाउँपालिका–१, २ र ३ मा नेकपा (एमाले)को समूह नै विजयी भएको छ । वडा नं १ मा भोगबहादुर थापा मगर एक हजार २१४ मत ल्याएर विजयी हुनुभएको हो । उहाँका निकटतम प्रतिस्पर्धी नेपाली काँग्रेसका युद्धबहादुर वीरकट्टाले ५७८ मत ल्याउनुभएको छ । वडा नं २ मा निलबहादुर सारु एक हजार २१३ मत ल्याएर विजयी हुनुभएको छ । उहाँका निकटतम प्रतिस्पर्धी काँग्रेसका इच्छाबहादुर वीरकट्टाले ५७८ मत ल्याउनुभएको छ ।

त्यस्तै वडा नं ३ मा एमालेकै नीलबहादुर भट्टराई ८३० मत ल्याई विजयी हुनुभएको छ । उहाँका निकटतम प्रतिस्पर्धी काँग्रेसका किशोर पङ्गेनीले २३९ मत पाउनुभएको छ ।

निस्दी–२ र ६ मा एमाले

निस्दी गाउँपालिका–२ र ६ मा एमालेका समूह नै विजयी भएका छन् । वडा नंं २ मा एमालेका पूर्णबहादुर बाकाबलले ७४० मत ल्याउनुभएको छ । उहाँका निकटतम प्रतिस्पर्धी नेकपा(माओवादी केन्द्र)का टेकबहादुर चुहानले ९८ मत ल्याउनुभएको छ । त्यस्तै वडा नं ६ मा एमालेकै मेखबहादुर सुनारी ७९६ मत ल्याई विजयी भएको निर्वाचन अधिकृत कृष्णप्रसाद शर्माले जानकारी दिनुभयो । उहाँका निकटतम प्रतिस्पर्धी माओवादी केन्द्रका यमबहादुर सार्कीले १३८ मत पाउनुभएको छ ।