हामी सबैकाे संसारन्यूज

१७ असार, पाल्पा । पाल्पाको माथागढी गाउँपालिकाका पाँच वटा वडामा काँग्रेस विजयी भएको छ ।  वडा नं १ मा काँग्रेसका शिवप्रसाद शर्मा ९५१ मत ल्याई विजयी हुनुभएको छ । उहाँका निकटतम प्रतिस्पर्धी एमालेका पूर्णबहादुर सारुले ६४० मत ल्याउनुभएको छ । वडा नं २ मा कांग्रेसकै जनक रिजालसहितको समूह विजयी भएको छ । रिजेलले ५१२ र उहाँका निकटतम प्रतिस्पर्धी एमालेका तुल्सीराम भुसालले ४०३ मत पाउनुभएको छ ।

वडा नं ६ मा काँंग्रेसकै रनबहादुर खाम्चा राना ७८५ मत ल्याई विजयी हुनुभएको छ । उहाँका निकटतम प्रतिस्पर्धी एमालेका यमबहादुर गाहाले ३१९ मत ल्याउनुभएको छ । वडा नं ७ मा कांग्रेसकै जङ्गबहादुर थापा ५५२ मत ल्याई विजयी हुनुभएको छ । उहाँका निकटतम प्रतिस्पर्धी एमालेका लोकबहादुर ढेंगाले ३४४ मत पाउनुभएको छ ।

माथागढीकै वडा नं ८ मा कांग्रेसका डिलबहादुर ढेगा मगर ३८२ मत ल्याई विजयी हुनुभएको छ । उहाँका प्रतिद्वन्द्वी एमालेका गुनुमाया मश्राङ्गीले २३५ मत पाउनुभएको छ ।