Sansar News
२ असोज, काठमाडौं । कन्चनपुरकी १३ वर्षीया बालिका निर्मला पन्तको बलात्कारपछि हत्या भएको २ महिना बित्न लाग्दा पनि मुख्य अपराधि अझै पक्राउ पर्न सकेका छैनन् । यसै सन्दर्भमा प्रहरी मुख्यालयले अनुसन्धानलाई अझ प्रभावकारी बनाउनका लागि एसपी दुर्गा चन्द ठकुरीललाई कन्चनपुर खटाएको छ ।
ठकुरीले अनुसन्धानका क्रममा पीडित परिवार तथा स्थानीयहरुसँग समन्यव गरेर अनुसन्धानमा सहयोग गर्ने बताइएको छ ।
प्रहरीले एसपी उत्तम सुवेदीको नेतृत्वमा भदौ १४ गते नै अनुसन्धान टोली गठन गरेपनि उनी अन्य कार्यक्रमका लागि चीन गएपछि ३१ भदौमा डिआइजी धिरु बस्नेतको नेतृत्वमा नयाँ छानविन समिति गठन गरेको थियो । उक्त समितिमा भदौ १४ गते टिम समेत सम्मिलित गरेर एकसाथ अनुसन्धान गरिने बताइएको छ ।
https://sansarnews.com/archives/121180
वि.सं.२०७५ असोज २ मंगलवार १३:१५ मा प्रकाशित
