हामी सबैकाे संसारन्यूज

तेज थापा,साउदि अरब । नेपाली महावाणिज्य दूतावास जेद्दाले सोमबार एक बिशेष कार्यक्रम गरि संविधान दिवस मनाएको छ ।

विभिन्न देशका कुटनीतिक नियोगका प्रतिनिधिहरु, जेद्दामा कृयाशिल संघ–संस्थाका प्रतिनिधिहरु, नेपाली समुदाय तथा नेपाली बाहुल्य रहेका कम्पनीका प्रमुखहरुको उपस्थित रहेको कार्यक्रम जेद्दास्थित क्राउन प्लाजा होटल साउदि अरबमा सम्पन्न भएको हो ।

महावाणिज्य दूतावास जेद्दाका का.बा. महावाणिज्यदूत रेबती पौडेलले नेपाल, नेपाली र संविधान दिवसको बारे छोटकरीमा जानकारी दिएका थिए ।
कार्यक्रमको सुरुवातसँगै नेपाली राष्ट्रिय गानको धुनले गुञ्जयमान बनेको कार्यक्रम हलमा शुभकामना दिने नेपाली तथा बिदेशीहरु पाहुनाहरुको लामै लस्कर देखिन्थ्यो ।

कार्यक्रममा नेपाली संस्कृति र परम्परा झल्काउने बाजा–गाजा तथा डकुमेन्ट्री प्रदर्शन गरिएको थियो भने नेपाली पोशाकमा सजिएका उपस्थित सहभागीहरुलाई उपस्थित बिदेशी पाहुनाहरु निकै चासो रमाइलो मानि नियालेका थिए । निकै सभ्य र भव्य रुपमा सम्पन्न कार्यक्रम नेपालकै कुनै स्थानमा आयोजना गरिएको र आफू नेपाल रहेको जस्तो महशुस भएको कार्यक्रममा सहभागी एक प्रत्यक्षदर्शीले बताए ।