हामी सबैकाे संसारन्यूज

धादिङ समाज कोरियाको अध्यक्षमा पुन : सन्तोष अधिकारी चयन भएका छन ।
समाजको छैटौँ अधिबेशनबाट धादिङको त्रिपुरासुन्दरी गाउँपालिका वडा नम्बर ७ जलजलेका अधिकारी अध्यक्षमा चयन भएका हुन् ।

कोरियाको राजधानी सियोलस्थित नेपाल हाउसमा फ्रेबुअरी ४ का दिन सम्पन्न छैटौँ अधिवेशनबाट वरिष्ठ उपाध्यक्षमा मनोज थापा, उपाध्यक्षद्धयमा रमेश श्रेष्ठ र गंगा लोहनी, महासचिवमा प्रेम गुरुङ, सचिवमा अतिज बहादुर घले र राम बहादुर आचार्य, कोषाध्यक्षमा सुवास सिंखडा तथा सदस्यहरुमा दिपक थापा काजी, कन्चनश्री आचार्य, दिनेश रिजाल, धुर्ब थापा, रामचन्द्र सिंखडा चयन भएका छन् ।

एनआरएनए आईसिसि कोरियाका प्रतिनिधी प्रकाश धमलाको प्रमुख आतिथ्यतामा सम्पन्न भएको उक्त भेलामा प्रदेश ३ एकता समाजका अध्यक्ष किश्वर ब्लोन नियोग, एनआरएन कोरियाका उपाध्यक्ष साजन शर्मा र विभिन्न जिल्लाका प्रतिनिधि तथा अध्यक्षहरुको आतिथ्यता रहेको थियो ।

सोहि अवसरमा संस्थाको सामाजिक क्रियाकलापमा उत्कृष्ट कार्य गर्नेहरुलाई उत्कृष्ट अवार्ड सहित सम्मान गरिनुको साथै रिदम लाईभ कन्सर्ट तथा सांगीतिक धमाकामा सहयोग गर्ने सहयोगीहरुलाई कदरपत्र हस्तान्तरण र संरक्षक तथा सल्लाहकारहरुलाई सम्मान पनि गरिएको थियो ।

कोरियामा पाँचसय भन्दा बढी धादिङेहरु रहेका छन । स्थापनाकाल देखिनै विभिन्न सामाजिक कार्यहरु संचालन गर्दै आईरहेको धादिङ समाज कोरियाले आगामी दिनमा पनि धादिङ जिल्लाका लागि नमूना कार्यहरु गर्दै अघि बढने अध्यक्ष अधिकारीले बताएका छन् ।