हामी सबैकाे संसारन्यूज

‘मिसेस हङकङ नेपाल’ को दोस्रो संस्करण २०२० मा आयोजना हुने भएको छ ।
हङकङमा रहेका नेपाली विवाहित महिलाहरुको आत्मविश्वास तथा पहिचान अृभवृद्धिको लागि नेप्लीज महिला संघ हङकङद्धारा वर्षेनी आयोजना गरिने ‘मिसेस हङकङ नेपाल’ को दोस्रो संस्करण २०२० मा आयोजना गरिने भएको हो ।

पहिलो संस्करण सन् २०१८ मा गरेको संघले विविध कारणले यथेष्ट समय नपुगेकोले २०१८ को टिमलाई नै २०१९ मा यथावत राख्दै दोस्रो संस्करण सन् २०२० मा गरिने बताएको छ ।

‘हाम्रो उद्धेश्य अनुसार ‘मिसेस हङकङ नेपाल’ कार्यक्रमलाई बार्षिक रुपमा निरन्तरता दिने कार्यलाई पुर्नमूल्यांकन गर्दा प्रवासमा यो एक वर्षको अवधिभित्र कार्यक्रमका विजेताहरुले सम्झौता अनुरुपको सामाजिक सेवामा विशेष योगदान दिने कार्य गर्नका लागि यथेष्ट समय नपुग्ने देखिएका कारणले गर्दा अबदेखि ‘मिसेस हङकङ नेपाल’ कार्यक्रम दुईवर्षको अन्तराललमा गरिने निर्णय गरिएको जानकारी गराउँदै प्रथम ‘मिसेस हङकङ नेपाल’ का विजेता तथा अन्य टाइटद बिजेताहरु सबै जना सन् २०२० साल सम्मका लागि यथावत रहने घोषणा गर्दछौं ।’ संघकी अध्यक्ष टिका देवी गुरुङद्धारा जारी विज्ञप्तिमा भनिएको छ ।

संघले २०२० को दोस्रो संस्करण सन् २०२० को मे महिनामा आयोजना हुने जानकारी गराउँदै उक्त कार्यक्रमका लागि अहिल्यैदेखि तयारी गर्न पनि आव्हान गरेको छ ।
छौं ।