हामी सबैकाे संसारन्यूज

गीरीजा प्रसाद कोइराला फाउण्डेशन अमेरीकाको कार्यलयमा नेवि सघंका सस्थांपक केन्द्रीय सदस्य गगांराज पौडेलको स्वागत गरिएको छ । डिसेम्बर २३ का दिन गीरीजाप्रसाद कोइराला फाउण्डेशन अमेरिका शाखाका अध्यक्ष सोमनाथ घिमिरेले फाउण्डेसनको कार्यालयमा  खादा ओढाइ पौडेलको स्वागत गरेका हुन्।

पौडेलले युग पुरुष स्वं गीरीजा प्रसाद कोइरालाको नाममा फाउण्डेशन स्थापित गरेर गीरीजा वावुको योगदानलाइ देश विदेशसम्म चिनाउँदै अघि बढेकोमा खुशी व्यक्त गर्दै गीरीजा प्रसाद कोइराला फाउण्डेशनकी केन्द्रीय अध्यक्ष सुजता कोइरालाप्रति धन्यवाद व्यक्त गरेका थिए ।
उनले फाउण्डेशनको उद्वेश्य र लक्ष्यहरू पुरा गर्न हामी सबै कटिबध्द भएर लाग्न जरुरी रहेकोमा जोड दिएका थिए ।

सो अवसरमा फाउण्डेसनका उपाध्यक्ष शुवर्ण लामा, केन्द्रीय सदस्य प्रेम पौडेल, कृयासील सदस्य सुर्य सिमखडा र एनआरएनए अमेरिका न्युयार्क च्याप्टरका कोषाध्यक्ष शोभाकान्त पाण्डेको पनि उपस्थिति रहेको थियो।