हामी सबैकाे संसारन्यूज

कालो बादल
जब अनुकुल बातावरणसँग मेल खान्छ
अनि,
वर्षा बनेर धर्तिमा बर्सिन्छ ।

बर्षाले धरती सिंचित हुन्छ
बिरुवाहरु मौलाउँदै प्रकृति हराभरा हुन्छन् ।

कालो बादल,
जब सुर्यलाई छेक्छ
जब चन्द्रमालाई पुरै ढाक्छ
तब,
मान्छेको चेतनाले गहिरो नाकारत्मक अर्थ लगाउँछ ।

कहाँ बादल ?
कहाँ चन्द्र सुर्य छ ?
यी दुई बिच माईलौं दूरि छ
तिमीले जे देख्यौ त्यो सत्य हो
तर !
बास्तविक यथार्थ सत्यता यो हैन ।

त्यसैले ,
आँखाले प्रत्यक्ष देखेका सबै कुरा
सत्य हुँदैनन्
सत्य के हो ?
विज्ञान बुझ्नु पनि पर्छ
मान्छेले आफैले आफैलाई चिन्न सक्नुपर्छ ।

कालो बादल
जसले यो धरतीलाई सिंचित गर्छ
यस्को अर्थ अब अर्को हुनै सक्दैन
मुख्य कुरा
हाम्रो बुझाई चेतनामानै कहिं कतै खोट छ ।