Sansar News
नजरमा नजर जुधाई कुरा गर्नुको मजा बेग्लै
तिमी टाढा सर्दैजादा नजिक सर्नुको मजा बेग्लै ।
लाग्यो मायाको फसल हुदैन पानी परया छैन
पुरानो बिज बिग्रेकाले नयाँ छर्नुको मजा बेग्लै ।
भेट्ने बाचा पटक पटक तर भेट्ने साइत जुरेन
जुरेको दिन लेक देखि बेशी झर्नुको मजा बेग्लै ।
प्रतीक्षाको फल मिठो हुन्छ यौवन झनै कस्तो
सुगन्धित फूलहरुमा भमरा चर्नुको मजा बेग्लै ।
भुल्नु हुदैन मायालाई नानि आँखाको बन्नुपर्छ
रित्तिएको सम्बन्धमा माया भर्नुको मजा बेग्लै ।
बगेको खोला फर्केर आउदैन जीवन पनि उस्तै
एक दिन छोडेर जानुछ हासेर मर्नुको मजा बेग्लै ।
वि.सं.२०७६ फागुन २४ शनिवार ०९:४२ मा प्रकाशित
