हामी सबैकाे संसारन्यूज

भोला लामीछाने, युरोप । नेपालबाट स्पेनमा आएर बसोबास गरेका क्षेत्री समुदायहरूले मार्च १० मा बार्सिलोनामा भेला भई सोनु रावतको संयोजकत्वमा क्षेत्री समाज स्पेनको तदर्थ समिती गठन गरेका छन् ।

उक्त तदर्थ समितिको उपाध्यक्षद्धयमा सरोज राज विष्ट, उर्वसी खड्का, महासचिवमा ओम बहादुर बानिया, सचिवमा मनुष जंग खड्का, कोषाध्यक्षमा सविता अधिकारी र सदस्यहरुमा पुस्कर कार्की, बसन्त बिक्रम थापा, निराजन कार्की, सविन बानिया, राहुल बस्नेत, मुकेश क्षेत्री, रोहित खत्री, सविता केसी र राम बहादुर थापा रहेका छन् ।

त्यसैगरी समाजले डिक कार्कीको संयोजकत्वमा सन्त बहादुर क्षेत्री, पुष्प के सी, सुन्दर रानाभाट, राजु शमसेर थापा, भोला लामिछाने, विष्णु रिजाल, पुष्प राज भण्डारी, दिपक क्षेत्री, सुमी घिमिरे सापकोटा रहेको सल्लाहकार समिति समेत चयन गरेको छ ।

स्पेनमा छरिएर रहेका क्षेत्री समुदायलाई एकत्रित गरेर समाजमा भै परी आउने दुःख सुखमा साथ दिनका लागि संस्थाको आवश्यकता परेको अभियन्ताहरूले बताएका छन् ।