हामी सबैकाे संसारन्यूज

लकडाउनका कारण भारतको कर्नाटाको ईन्द्रानगर दम्लोर झोपडपर्टीमा अलपत्र परेका ४४ जना नेपालीलाई खाद्यान्न, माक्स तथा सेनिटाइजर लगायतको राहत सामग्री वितरण गरिएको छ ।

नेपाली जनसम्पर्क समिति भारत ईन्द्रानगर कोडिहाली शाखाले अलपत्रमा परेका ४४ जनालाई ६५ किलो चावल १४ किलो दाल ११ लिटर तेल ९ किलो नुन २५ ओटा माक्र्स र आधा लिटर सेनिटाइजर वितरण गरेको हो ।

नेपाली जनसम्पर्क समिती भारतका केन्द्रीय अध्यक्ष तथा नेपाली काँग्रेसका आमन्त्रीत सदस्य बालकृष्ण पाण्डेको पहल र क्षेत्रीय संगठन सचिव बिमल सिजापति नेतृत्वमा ईन्द्रानगर कोडिहाली शाखा अध्यक्ष फटे पार्कीले पिडित नेपाली मजदुरलाई राहत वितरण गरेका हुन् ।