हामी सबैकाे संसारन्यूज

२८ असार, काठमाडौं । नेप्सेमा सूचीकरण भएको १ महिनामा नेपाल पूनर्बीमा कम्पनीको सम्पत्ती ५ गुणले बृद्धि भएर ५० अर्ब ९० करोड पुगेको छ । साताको पहिलो दिन आईतबार भएको करोबारको आधारमा यस्तो देखिएको हो । आईतबार यो कम्पनीको प्रतिकित्ता सेयर रु ५०९ रुपैयाँले कारोबार भएको थियो ।

नेपाल सरकारको समेत सेयर रहेको सो कम्पनीले गत जेठ २८ गते रु १०० बराबरका १० करोड कित्ता सेयर नेप्सेमा सुचिकृत गरेको थियो ।

चैत्र ११ गतेको लकडाउन अगाडी नै सेयर निस्कासन गरेको सो कम्पनीले लकडाउन कै बीचमा सेयर बाँडफाँड गरेको थियो । लकडाउनका कारण सेयर बजार पनि बन्द हुँदा सूचीकृत र कारोबारमा ढिलाई भए पनि करोबार सूरु भए यता यो कम्पनीको सेयर माग राम्रो भैरहेको छ । यसरी हेर्दा यो कम्पनीमा लगानी गर्ने लगानीकर्ताले राम्रो कमाई गरेका छन ।