हामी सबैकाे संसारन्यूज

१.
कहाँ महल लगायौ तिमीले वारि पारी बेचेर
तिमीले राम्रो गरेनौ बाबु खेत बारी बेचेर
आज अंशवण्डा माग्दैछौ बुद्ध आमा संग,
नबिर्स हिजो हुर्काएकि हुन त्यहि खेतको तरकारी बेचेर ।

२
हिजो लाग्थ्यो तिमी फूलको कोपिला जस्तै
आज भईछ्यौ मुटुमा बिझ्ने किला जस्तै
तिमीलाई हतार थियो दुलही बन्न रहर,
मेरो बाध्यताले बनायो आज ढिला जस्तै ।

३
साहित्य हुदैन अर्कैको शब्द आफ्नो कलम बोकेर
आफुलाई बिज्ञ नठान तिमी खाली मलम बोकेर
तिमी भन्दा पनि होसियार धेरै हुन सक्छन यहाँ,
जालमा पार्न नखोज रसी, दाम्लो, गलम बोकेर ।

४
तिमी आकाश छुने मान्छे मेरो उडाउने कला छैन
मेरो सम्पत्ति भनेकै यही झुप्रो हो कुनै बंगला छैन
तिमी मेरो मायाँ प्रेमको बदनाम गरेर हिडेपछि,
सौभाग्य रहेन सुन्दर पोते सुहाउने तिम्रो गला छैन ।

५
नजर छुपाई हिडे पछि आफ्नै पति बाट
खै ! के भर पर्नु अब आफ्नै श्रीमती बाट
मायाकोलागि मूल्य चुकाउनु सकिन शायद,
हरेस खादैछु आज आफ्नै प्रगति बाट ।।