हामी सबैकाे संसारन्यूज

न त देश भित्र कत्ति बिकास हुन सक्यो,
न जनताको शुरक्षा नी खास हुन सक्यो ।

शंघर्ष त गर्छौ प्राणकै बाजि लगाई हामी,
न नेता को ईरादामा निकास हुन सक्यो ।

छैन रोजगार परदेश काम माग्न जाने हो,
न आफ्नै देशभित्र बस्ने बास हुन सक्यो ।

जीवनभरी मज्दुरी गर्छौ तन मन खियाई,
न त सुखसँग खाने एक गाँस हुन सक्यो ।

देशभक्त त हुँ तर देशभित्र बस्न सकिनँ म,
जिन्दगी पनि कहिलै न बतास हँन सक्यो ।

बुढी आमाले भन्नु हुँन्छ कयौँलाई जन्माए,
बुढेश कालमा न कुनै पुत्र पास हँन सक्यो ।

खै त हाम्रो सन्तान वीर पौरखी भएता पनि,
दुःख बाहेक न त सुखको रास हुन सक्यो ।

पुस्तौँ पुस्ता शंघर्ष गर्छौ देश बिदेशमा हामी,
साँच्चै न त समस्याकै सत्यनाश हुन सक्यो ।