हामी सबैकाे संसारन्यूज

१.
सके सम्म सबैको भलो चिताईदिउँला
आफू हारी अरुलाई नै जिताईदिउँला
एक सरो लाउन र दुई छाक खानु त हो
यसरी नै यो जिन्दगी बिताइदिउँला ।
२.
ठूला कुरा गर्नेहरु यहाँ अक्सर गिर्छन्
चिल्ला कुरा गर्नेले नै सकेसम्म पिर्छन्
कर्मबिर कहिल्यै लाउँदेन फाईफुट्टी
फाइफुट्टी लाउने पर्दा दुलो भित्र छिर्छन् ।
३
अरुले गरे कति कति,गर्नै सकिएन
लाग्यो सँधे उँधोमति,गर्ने सकिएन
सँगेका साथी सानले कार चढी हिड्छन्
आफूले भने केहि प्रगति गर्नै सकिएन ।
४.
सम्पतिको लोभ गर्दै दिल दूर पार्छन्
लोभलाग्दो बैँशलाई साह्रै झुर पार्छन्
एक पल्ट पाको जीवन नबुझेका मान्छे
दुखाउँदै जिन्दगीलाई चक्नाचुर पार्छन् ।
५.

तिर जस्ता तिखा नजर चलाएर गईन्
मस्तिष्क साथै देह पनि गलाएर गईन्
न सलाई थ्यो न लाईटर बोकेर ल्याएकी
भतभत गर्छ दिल यता जलाएर गईन् ।