सुस्त सुस्त साँझ ढल्यो उज्यालो गएपछि
कोठाभित्र बत्ती बल्यो उज्यालो गएपछि ।
हेमन्तको चिसो रातमा खासखुस गर्दै
मीठामीठा कुरा चल्यो उज्यालो गएपछि ।
प्रेमको प्यारो बगैँचामा लटरम्म झुक्दै
डाली डाली फल फल्यो उज्यालो गएपछि ।
दुई बदन एकआपस मिलाप हुँदा
समयले छाँया छल्यो उज्यालो गएपछि ।
हुरी बतास संग्रामको महा युद्ध हुँदा
थकानले युद्ध गल्यो उज्यालो गएपछि ।
मचिन्द्र खत्री, धरान, सुनसरी
वि.सं.२०७८ पुस १० शनिवार ०८:०९ मा प्रकाशित