हामी सबैकाे संसारन्यूज

उत्तम विचार, टोखा, काठमाडौं

१.
जित आउँछ जिन्दगीमा हार आउँछ
बगर आउँछ नदीसँगै किनार आउँछ
यदाकदा आउने हैनन् ती पाहुनासरि
दुःख दोहोरिन्छ जो बारम्बार आउँछ ।

२.
आफ्नाको साथ र समर्थनविनाको
मुटुको अर्थ रहन्न धड्कनविनाको
खुल्ला किताब भनिन्छ त्यसैले त
के होला र जिन्दगी दर्शनविनाको ।

३.
कोदाली, हलो जुवा फाली बिर्सँनेले
के लाउँलान् र खेती आली बिर्सँनेले
अरूलाई आचरणको पाठ नपढाऊन्
समाउने हाँगो र टेक्ने डाली बिर्सँनेले ।

४.
यो गर्छु त्यो गर्छु बखान भएको छ
राजनीतिले देश हैरान भएको छ
राष्ट्रिय परिचयपत्र सजिलै नपाउने
भन्छन् यो देश मुग्लान भएको छ ।

५.
संसदीय खेल लाजको पसारो भो
पोथीविनै गुंँडमा अण्डा ओथारो भो
इमान इज्जत कथा हुनुको कारण
गरिएका सम्झौता सबै उधारो भो ।