हामी सबैकाे संसारन्यूज

कुशलनाथ योगी
रास्कोट नगरपालिका–३, कालीकोट

तिम्रो कदम परेको बाटो धाएँ फेरि
सम्झिन्नँ तिमीलाई भन्थेँ सम्झेँ फेरि

ढुङ्गाझैँ झल्कोले छातीमा हिर्कायो
मैले आफूलाई सीसा ठानेँ फेरि

यसरी पागल भएछु तिम्रो मायामा म
केवल रक्सी पिउँथेँ हातै काटेँ फेरि

सोध्यौ अझै मलाई सम्झन्छौ र तिमीले
कहिल्यै सम्झिन्नँ भनी झूटो बोलेँ फेरि

पवित्र दिलमा तिम्रो नामै लेख्ने मन थ्यो
त्यो स्थान बनाएनौ ञआमाझ लेखेँ फेरि

के फुल्ला के फल्ला फक्री मायाको बिज
मुना झरेको उजाड दिलमा रोपेँ फेरि

त्याग्नेले कोइला होस् भनेर त्यागेको थ्यो
म कोहिनूर पो रहेछु ऐना हेरेँ फेरि ।

बहर : मीर (२४ मात्रा)