हामी सबैकाे संसारन्यूज

बि के मुखिया
सिग्रीमताम बस्ती, दार्जीलिङ

तारा झरेर सारा जगमग सहरहरू छन्
अग्ला हिमाल छेक्दै बग्रेल घरहरू छन्

सीमा छ तारबन्दी पाले कुरेर ढोका
रोटी तलास गर्दै कैयौँ नजरहरू छन्

केवल छ एक सपना बन्ने म शक्तिशाली
निर्धो पिएर पानी बाँच्ने खबरहरू छन्

नाङ्गो छ देश हाम्रो बाङ्गो छ धूर्त नेता
पानी बिना अनेकौँ प्यासी अधरहरू छन्

अलमल परेर यात्री गन्तव्य खोज्न थाले
बाटो निकै छ हिड्ने लामा सफरहरु छन्

बहर : मुजारे अखरब
वजन : २२१, २१२२, २२१, २१२२
अर्कान : मफ़ऊल फ़ाइलातुन मफ़ऊल फ़ाइलातुन
काफियाः अर
रदिफ : हरू छन्
अभ्यास : ज्ञानकुञ्ज गजल पाठशाला
विनेसाम, भारत शाखा