Sansar News
विष्णुकुमार बराइली, डुप्टिन मिरिक
भनेर आज साध्य छैन भो किनार जिन्दगी
लुकेर बस्न लाभ छैन यो विमार जिन्दगी
दुखेर मन खुबै पिरोल्छ धेर रुन्छ आतिदै
डुबेछ आँसुमा यहाँ थियो बहार जिन्दगी
रमेर सुस्तरी बिताउने प्रयासमा थिएँ
भएछ बेसुरा खुबै सधैँ हतार जिन्दगी
सयौँ थिए रहर हराउँदै गए यहाँ सबै
हुँदैछ आज सुक्न आतुरी इनार जिन्दगी
बुझेर आउँदा उजाड़ लाग्छ जिन्दगी यसै
तथापि रम्न मोजमा भयो तयार जिन्दगी
बहर : हज़ज मुसम्मन मक़्बूज़
अर्कान :मुफ़ाइलुन मुफ़ाइलुन मुफ़ाइलुन मुफ़ाइलुन
वजन : १२१२, १२१२, १२१२, १२१२
काफियाः आर
रदिफः जिन्दगी
वि.सं.२०८१ साउन १२ शनिवार ०८:१९ मा प्रकाशित
