हामी सबैकाे संसारन्यूज

दल शाही ठकुरी, हुम्ला, कर्णाली

अधिक ढाँटियो सत्य सज्जन
तरु चढी अरूका लुट्यौँ फल
सबजना सँगी साथमा गयौँ
दिन कहाँ सधैँ रातमा गयौँ

।।१।।

नजिक जे मिले तोडिए सबै
अब स्वभाव त्यो छोडियो सबै
अब उमेर पाको भयो कठै

अधिक आउँछन् सम्झना अझैँ

।।२।।

अब सकेँ भने धर्म गर्नु छ
कठिन कामको युद्घ जित्नु छ
शिखरमाथिको पुग्छु टाकुरा
अब भने बजार्ने छु पाखुरा

।।३।।

गलत काम छोड्दै छु आज म
विगत सम्झिँदा मान्छु लाज म
जति भयो म अन्जानमा भयो
अब कदापि गर्दैन काम त्यो

।।४।।

असल कामको खोजमा छु म
बदलिने स्वयम् सोचमा छु म
जति गरेँ गरेँ स्वार्थका कुरा
अब भने बजार्ने छु पाखुरा

।।५।।

छन्द : इन्दिरा
गण : न र र ल गु
सङ्केत :lll  SlS SlS l S