हामी सबैकाे संसारन्यूज

विजय मुखिया बिम्ब,दार्जिलिङ

भएँ लाचारझैँ तिम्रा, नजरका ती इसाराले
दुखायो मन बग्यो आँसु, भिजायौ अश्रुधाराले

तिमीलाई भनेरै हो, गजल कोर्दैछु ए माया
उला सानी तिमी नै हौ, सजाएँ सेर साराले

नदीको दर्द बाढीले, समयमा नै बुझे हुन्थ्यो
भुलेको छैन सहयात्री, बगरलाई किनाराले

मरेको बाघको जुङ्गा, मुसार्ने छन् यहाँ धेरै
खिचौँ फोटो लुकीचोरी नदेखुन् बाघमाराले

चढाई अञ्जुली अर्जी, पुजेकै हो तिमीलाई
बुझेको छैन मन सायद, जनाए छौ नजाराले

बहर – हजज मुसम्मन सालिम
अर्कान – मुफ़ाईलुन मुफ़ाईलुन मुफ़ाईलुन मुफ़ाईलुन
वजन – १२२२ १२२२ १२२२ १२२२
काफिया – आरा
तहलिली रदिफ – ले
अभ्यास – ज्ञानकुञ्ज गजल पाठशाला