Sansar News
सुधिर थापा, काभ्रे, हाल -काठमाडौं
रोएर भित्र हाँस्ने कुन् बाध्यता छ हाम्रो
संस्कार छैन आफ्नै खोजौँ कता छ हाम्रो
नेपाल देश हाम्रो गौरव छ हेर आफ्नै
पौरख गरेर बाँचौ जुन क्षमता छ हाम्रो
पाखा र छन् पखेरा लाली गुराँस फुल्ने
ढाकेर निर्झरीमा खुल्ने लता छ हाम्रो
आफ्नै छ मान ठूलो आफ्नै भएर सान
संसार जित्न सक्ने झन् वीरता छ हाम्रो
आफैँ बिकास गर्दै खोलेर मार्ग सारा
भूगर्भ भित्र खानी खोजौँ जता छ हाम्रो ।
बहर : मुजारे मुसम्मन अखरब
अर्कान : मफ़ऊल फ़ाइलातुन मफ़ऊल फ़ाइलातुन
वजन : २२१२ १२२ , २२१२ १२२
वि.सं.२०८१ भदौ २९ शनिवार ०५:३० मा प्रकाशित
