हामी सबैकाे संसारन्यूज

तारा बिष्ट छन्दार्पण
दाङ, हाल -मलेसिया

शुभ कार्य गरूँ सब जिल्ल परून्
जति जे म रचूँ सब रत्न बनून् ।
मनले जहिल्यै गृहकार्य गरूँ
प्रभु नाम जपूँ नव काव्य रचूँ ।।१

सबको मन चञ्चल देख्छु यता
पढ तोटकमा रचियो कविता ।
जन जीवनमा सुखसार थपूँ
प्रभु नाम जपूँ नव काव्य रचूँ ।।२

सुख दुःख दुवै छ र जीवनमा
दिन रात भए धरणी थलमा ।
कवि भै सब यी अनुभूति रचूँ
प्रभु नाम जपूँ नव काव्य रचूँ ।।३

रचना मनका दुखका सुखका
कति गर्नु कुरा ऋणका धनका ।
म त बालक भै रस रङ्ग छरूँ
प्रभु नाम जपूँ नव काव्य रचूँ ।।४

पल एक छ जीवनको मनुवा
कब ढल्छ मरी रुखझैँ भुइँमा ।
जग रोशन गर्न म जल्न सकूँ
प्रभु नाम जपूँ नव काव्य रचूँ ।।५

छन्द : तोटक
गण : स स स स
गण सङ्केत : lSS lSS lSS lSS
स्रोतः– स्वर्ण पाठशाला