Sansar News
मिरा ज्ञवाली आस्था
तिलोत्तमा– १४, रूपन्देही
देख्छौ सदैव गल्ती छन् के बिराम मेरा
हिड्छौ तिमी जहिल्यै खिच्दै लगाम मेरा
गर्दै छु कामधन्दा सपना सजाई दिलमा
सेवा हरेक जनका हुन् चारधाम मेरा
साहित्य कोर्छु जहिले गाँसेर शब्दमाला
गर्छन् सधैँ प्रशंसा साथी तमाम मेरा
गाली सहन्छु जहिल्यै सन्तानको निमित्त
मान्दै खुसी तिनै हुन राधा र श्याम मेरा
पुग्दा म माथि पक्कै होला जलन कसैमा
सुखदुःख मिल्छ जे जे हुन् ती इनाम मेरा
बहर : मुजारे मुसम्नन अखरब
अर्कान : मफऊलु फाइलातुन् मफऊलु फाइलातुन्
वजन : २२१ – २१२२ / २२१ – २१२२
काफिया : आम
रदिफ : मेरा
वि.सं.२०८१ कात्तिक १० शनिवार ०५:३० मा प्रकाशित
