Sansar News
भुवन शिवाकोटी “चौघरे”, काठमाडौं
तिमी
लेखिनु मात्रै पर्छ
जीवनको सेतो पानामा
हिलो रङ्ग छाप्नेहरू
बग्रेल्ती भेटिन्छन्
त्यसपछि
तिखार्नेको कमी छैन जीवनमा
मुठार्नेको कमी छैन जीवनमा
कथाको श्रृङ्खला नै त हो
पटक पटक लेखेर मेटाउने इरेजरको पनि
कमी छैन जीवनमा
धारमा घोटी घोटी तिखार्यो
घरि लेख्यो
घरि मेट्यो
फेरि लेख्यो फेरि मेटायो
सादा पानामा
सिसा कलम कै त हो जिन्दगी
हो,
विगत मेटिदैन
वर्तमान देखिन्छ
भविश्य अनजान छ
सपना जस्तो जीवनमा
हजारौ बाधा अड्चन आएपनि
मुस्कुराउन नछोड ।
वि.सं.२०८१ कात्तिक १७ शनिवार ०५:३४ मा प्रकाशित
