Sansar News
पेरिस । पेरिसको स्टेड डे फ्रान्समा बिहीबार हुने फ्रान्स र इजरायलबीचको नेसन्स लिग खेलका लागि ठूलो सङ्ख्यामा प्रहरी परिचालन गर्ने तयारी गरिएको छ ।
पेरिस प्रहरी प्रमुख लरेन्ट नुनेजले यस खेललाई उच्च जोखिमयुक्त भनी वर्णन गर्दै रङ्गशाला वरिपरि, सार्वजनिक यातायात र पेरिसमा चार हजार पुरुष सैनिकलाई परिचालन गरिने जानकारी दिए ।
यो खेल अजाक्स विरुद्ध म्याकाबी तेल अभिव खेललगत्तै हुँदैछ । यस साताको मध्यमा एम्स्टर्डामका सडकहरू हिंसामा परिणत हुँदा तेल अभिवका फ्यानहरूलाई ट्र्याक गरिएको थियो, पछ्याइयो र पिटिएको थियो ।
“राष्ट्रिय प्रहरीको एउटा विशिष्ट एकाइले पनि इजरायली टोलीको सुरक्षा गर्नेछ”, नुनेजले भने, “भू–राजनीतिक सन्दर्भ अत्यन्तै नाजुक छ ।”
उनले कार्यक्रम अघि र पछि कुनै पनि अव्यवस्थाप्रति शून्य सहनशीलताको नीति अपनाउने बताए । एएफपी
वि.सं.२०८१ कात्तिक २६ सोमवार ०८:४६ मा प्रकाशित
