हामी सबैकाे संसारन्यूज

एक नारायण चापागाईं, दाङ

धरातलमा भए बन्जर हरा हरपल कहाँ हुन्छ
सदा बढ्दै गए गर्मी धरा शीतल कहाँ हुन्छ

नयाँ साथी भने जस्तो कोही पाए कतै उनले
मजा गर्दै सधैँ डुल्ने यहाँ पागल कहाँ हुन्छ

नहेप्नू है कसैलाई छ यो निर्धन भनी मान्छे
कुनै दिन आउला उसको सधैँ दुर्बल कहाँ हुन्छ

लुटी खाने ग¥यो जसले दिँदै धम्की अरूलाई
सधैँ अपराध गर्थे जो सिधा कायल कहाँ हुन्छ

भए मात्रै तिमी अल्छी सफलता हुन्न केहीमा
गरेमा काममा जाँगर सधैँ असफल कहाँ हुन्छ

बहर – हजज मुसम्मन सालिम
अर्कान – मुफाईलुन् मुफाईलुन् मुफाईलुन् मुफाईलुन्
वजन -१२२२ – १२२२ – १२२२ – १२२२
अभ्यास -परिश्रमी पाठशाला