हामी सबैकाे संसारन्यूज

महेश राज खरेल, काठमाडौं

एउटा स्फटिक सेतो निश्छल माया वा स्नेहमा
स्वार्थको कालो सानो धर्साेले
कोरेर कतिपयले
आफ्नो जीवनको चुहिने टपरी सिलाउँछन्
भरोसा गर्छन् सायद !
यो आफ्नो सृजनाले
निकै ओज थाम्न सक्ने छ
तर अफसोस ! परिणाम
सेतो स्फटिक माया वा स्नेहमा
कहिल्यै नमेटिने कालो दाग बास बस्नेछ
चुहिने टपरीले ठोस पदार्थ केही बोकेपनि
तरल जति भुइँमा चुहिने छ
किन गर्छ मानिस यो निरर्थक प्रयत्न र मिहेनत
केवल आफुलाई भिन्न देखाउन ?
भिन्न देखिनलाई त हुनुपर्छ
चेतनाको चमक दिमागमा
संकल्प बोक्नु पर्छ उद्धेश्यमा
नत्र त
फराकिलो मैदानमा गाडिएको बुख्याँःचा
र यो प्रयत्नमा के भिन्नता हुन्छ र!
नजान्नेहरूलाई केहीक्षण अलमल मात्र न हो ।