Sansar News
डा. देवी पन्थी, विराटनगर
हामी जहाँ भए पनि संसार छैन अर्को
प्यारी तिमी गएपछि हकदार छैन अर्को
सबथोक हौ तिमी नै साथी र शत्रु मेरी
त्यस्तो कुनै अनौठो व्यवहार छैन अर्को
छन् माहुरी बसेका रानी रुँगेर घममा
राजा भएर बस्ने दरबार छैन अर्को
मेरी तिमी सहारा बन्दै अगाडि बढ्नू
मेरो पुरै धरामा आधार छैन अर्को
यी हातले फुलाएँ थें एक मात्र पुष्प
छैनौं र पनि मलाई दरकार छैन अर्को
बहर : मुजारे मुसम्मन अखरब
अर्कान : मफ्ऊलू फाइलातुन मफ्ऊलू फाइलातुन
वजन : २२१ – २१२२ – २२१ – २१२२
काफिया : आर
रदिफ : छैन अर्को
अभ्यास : परिश्रमी पाठशाला
वि.सं.२०८१ माघ २६ शनिवार ०५:१४ मा प्रकाशित
