Sansar News
तारा विष्ट छन्दार्पण, दाङ, हाल -मलेसिया
सीता रामको झैँ कहानी छ बाँकी
चोर्यौ मन तिमीले जवानी छ बाँकी
मेरो साथ छोडी गयौ घात गर्दै
बाटो पर्खिदै जिन्दगानी छ बाँकी
चोखो प्यार गर्ने कसम व्यर्थ खायौ
आत्मा रुन्छ मेरो रुमानी छ बाँकी
धोका पाई मेरो हृदय छ पोलेको
को हो शत्रु चिन्न किटानी छ बाँकी
छन् आकाश धर्ती दुबै देख्ने साक्षी
ताराले दिएको निशानी छ बाँकी
बहर – घनु
अर्कान – मफऊलातु फैलुन फऊलुन् फऊलुन्
वजनः २२२१ – २२ – १२२ – १२२
काफिया –आनी
रदिफ – छ बाँकी
अभ्यास – स्वर्ण पाठशाला
वि.सं.२०८१ चैत १६ शनिवार ०९:५४ मा प्रकाशित
