हामी सबैकाे संसारन्यूज

पुष्पा राई, बादेल, खोटाङ

१.
बाटो आफ्नै हिँड्नुछ
दुनियाँको रमितामा नभूल्नु
जीवनको युद्धमा भिड्नुछ ।

२.
सित्तैमा पाएको हिरा
नफस्नू आश्वासनमा कसैको
पार्दिन्छन् मुटु नौचिरा ।

३.
आफूलाई कहिल्यै नढाँट्नू
जिस्क्याउछ साक्षी बनेर
गलतलाई जित्न नआँट्नू ।

४.
लोकतन्त्र यस्तो बनोस्
शान्ति सुशासन समृद्धि
विश्वले आहा भनोस् ।

५.
सबैको काम होस्
सोच्न नपरोस् भोलि
सबैमा जोस बढोस् ।

६.
पुस्तकमा दुनियाँ भेटिन्छ
ज्ञानको ज्योति छर्दै
मानिसको अज्ञानता मेटिन्छ ।

७.
देशमा खिँचातानी बढ्दैछ
शासन या कुशासन
फेरि अशान्ति चढ्दैछ ।

८.
भत्काउने कि बनाउने
नबढाउँ अझै हिंसा
बुद्धको देश भनाउने ।

९.
जीवन वैराग्य भयो
झुटो सम्बन्ध छुट्दा
ग्रहदशा सबै गयो ।

१०.
खुसी खोसेर लिन्छन्
अरूको भर नपर्नू
जीवनभरि पीडा दिन्छन् ।