हामी सबैकाे संसारन्यूज

सिसेल्स । गैरआवासिय नेपाली संघ राष्ट्रिय समन्वय परिषद सेसेल्सका संस्थापक महासचिव बर्तमान सल्लाहकार तथा नेपाली रक्तदाता संघ सेसेल्सका अध्यक्ष कमान सिंह खत्रीले पुर्वी अफ्रीका सेसेल्समा आयोजित CJSOI -Commission for Youth and Sports of the Indian Ocean मा रेफ्रीको भुमिका निर्वाह गरेका छन् ।

१९ वर्ष मुनिका युवाहरुको ब्याडमिन्ट प्रतियोगितामा राष्ट्रिय खेलकुद परिषद सेसेल्सको शिफारिसमा खत्रीले रेफ्रीको भुमिका निर्वाह गरेका हुन् ।
CJSOI  १९९४ मा स्थापना भएको इन्डियन ओसियनका सातवटा राष्ट्र वा देशहरूको एक क्षेत्रीय अन्तरसरकारी निकाय हो । कोमोरोस, डिफौट, मदागास्कर, मोरिस, मयोट, रीयूनियन, र सेशेल्स यसका सदस्य रहेका छन् ।

यस क्षेत्रीय संगठनको उद्धेश्य मित्रता, क्षेत्रीय सहयोग, र हिन्द महासागर (Indian Ocean) क्षेत्रका सदस्य देशहरूमा युवाहरू र खेलहरूको विकासलाई प्रवर्धन गर्नु हो ।

यस संगठनले CJSOI खेलहरू समेत आयोजना गर्छ, जुन सहभागी राष्ट्रका युवा खेलाडीहरूको लागि एक बहु–खेल कार्यक्रम हो ।

हरेक दुई वर्षमा आयोजना हुने यो प्रतियोगिता जुलाई २८ देखि अगस्ट १०, २०२५ को १३ औँ संस्करण सेसेल्सले आयोजना गर्ने भुमिका पाएको थियो र सफलता पुर्वक सम्पन्न गरेको छ ।

सन् २०१५ देखि पुर्वी अफ्रीका सेसेल्सको FIU -Financial Intelligence Unit मा कार्यरत रहेका छन् । नेपालमा सैनामैना–१–रुपन्देही निवासी खत्रीले २२ वर्ष नेपाली प्रहरीमा सेवा गरेका थिए । प्रहरी नायव निरीक्षक पदबाट सेवानिवृत्त पश्चात सेसेल्स आएका खत्री नेपालका राष्ट्रिय ब्याडमिन्टन रेफ्री पनि हुन् ।