Sansar News
मन्दा पौडेल, काठमाडौं
पछार्यौ,राखेर मनमा तुस खार नरमाइलो लाग्छ।
ताकेर घाइते दिल गर्यौ संहार नरमाइलो लाग्छ।
तिम्रै राम्रो होस् भनि सदैव प्रार्थना गरिरहँदा पनि,
लाउँछौ वचन र सम्झन्छौ बेकार नरमाइलो लाग्छ।
आज अघायौ,भुल्दै हिजो भोकमा लगाएको गुन सारा,
सअपमान गर्छौ पानी बाराबार नरमाइलो लाग्छ।
कैयौँ बार आफैँ रित्तिएर तिमीलाई भर्दाभर्दै पनि,
सकपट पस्कन्छौ दर्दको अचार नरमाइलो लाग्छ।
मलाई बिझाएपनि,तिमीलाई फूलको सुकुन मिलोस्,
दयालाई अत्याचारको कारागार नरमाइलो लाग्छ।
अक्षर संख्या ः २०
आदि अनुप्रास ः आर
शेष अनुप्रास ः नरमाइलो लाग्छ
वि.सं.२०८२ भदौ ७ शनिवार ०८:२६ मा प्रकाशित
