Sansar News
बीके मुखिया,वाङदे, दार्जिलिङ
भोग्दै छु पीडा लेखान्त होला
सुख जिन्दगीको उपरान्त होला
यात्रा छ जारी गन्तव्यतर्फ
भेटे प्रिया संयोगान्त होला
निःस्वार्थ सेवा दायित्व सबको
पाखण्ड गर्ने उद्भ्रान्त होला
गर्दै छ धेरै पाखण्ड लोभी
सन्तोष गर्ने मन शान्त होला
उत्पात गर्छन् आतङ्ककारी
मार्ने र मर्ने सिद्धान्त होला
बहर : मुतकारिब मुसम्मन अशलम
अर्कान : फैलुन् , फऊलुन् , फैलुन् , फऊलुन्
वजन : २२ – १२२ – २२ – १२२
काफिया : आन्त
रदिफ : होला
अभ्यास : उज्यालो पाठशाला
वि.सं.२०८२ पुस १२ शनिवार ०५:५८ मा प्रकाशित
