Sansar News
पुष्पाञ्जलि, इलाम
सुधाको बोतलभित्र पानी रहेछ
म सोच्थेँ पवन हो सुनामी रहेछ
निको हुन्छ तनमा भए घाउ पोल्ने
विगत बल्झिँदै दुख्ने छाती रहेछ
कहाँ हुन्छ जीवन सधैँ एकनासे
कतै शर कतै टेक्न राडी रहेछ
परेँ भर म जसको गरी बन्द आँखा
उही मनको कालो फरेबी रहेछ
सबै खोस्न खोज्छन् पुरस्कार मेरो
भए जित दिने मात्र ताली रहेछ
बहर मुतकारिब मुसम्मन सालिम
अर्कान : फऊलुन् , फऊलुन् , फऊलुन्, फऊलुन्
अर्कानः १२२ – १२२ – १२२ – १२२
काफिया : ई
रदिफ : रहेछ
अभ्यास : स्वर्ण पाठशाला
वि.सं.२०८२ माघ १० शनिवार १०:२५ मा प्रकाशित
