Sansar News
ईश्वर साउद ( भिक्षु )
रामाराेशन – ६ , अछाम सुदुरपश्चिम
१.
पूज्य मेरो गुरु
ब्रान्डका पिता हजुर
हजुरबाट सृष्टि सुरु ।
२.
उघारी आँखा मेरा
जहाँतहीँ देखूँ तिमीलाई
तोडेर सम्पूर्ण घेरा ।
३.
दिनपछि कालो रातमा
भगवान् शिव छन्
हरहमेसा मेरो साथमा ।
४.
म भक्त शिवकाे
उनकै पछि लाग्छु
कल्याण हुन्छ जीवकाे ।
५.
गुरुका पनि गुरु
हजुरै त हुनुहुन्छ
हजुरबाटै काम सुरु ।
६.
माया र स्नेह
गर्नुहुन्छ आफ्नाे भक्तकाे
सम्झी आफ्नै देह ।
७.
बनेर म अन्धभक्त
लागिरहेछु रातदिन सदा
भएर कट्टर सशक्त ।
८.
लगाई बाघको छाला
बस्नु हुन्छ ध्यानमा
पहिरिई रुद्राक्ष माला ।
९.
समातेर डमरु हातमा
गर्नुहुन्छ उहाँ ध्यान
केशरी जटाका साथमा ।
१०.
सारा पृथ्वी चलाउने
सृष्टिदाता भगवान् उनै
पापीलाई सिधैँ जलाउने ।
वि.सं.२०८२ चैत २१ शनिवार ०७:१२ मा प्रकाशित
