Sansar News
अचेल मधुमास छ यसकारण मौसम प्रेमिल छ,
खुसी नै खुसीको नयनहरुमा आँसु टिलपिल छ ।
म नबोली नसक्ने भए तिमी बोल्न नसक्ने भयौं,
प्रेमलाई सम्बन्धमा रुपान्तरण गर्न मुस्किल छ ।
तिमिले छोडेपछि चलेन यो धड्कन पहिला झैँ,
लाग्छ समय सुस्ताएको छ यो शरीर सिथिल छ ।
जल्न बाँकी केहि रहेन मेरो शरीर बाहेक अरु,
तिमी जल्दै गरेको तिम्रो चितामा यो दिल छ ।
तिमिले छोडेपछि चलेन यो धड्कन पहिला झैँ,
लाग्छ समय सुस्ताएको छ यो शरीर सिथिल छ ।
एक पटक हजुरको छाती टेकेर नियाल्नु पर्ला,
कहाँ जीवनको यात्रा सकिन्छ कहाँ मन्जिल छ ।
वि.सं.२०७६ जेठ ३२ शनिवार ११:४० मा प्रकाशित
