Sansar News
तबको त्यो पल
मानव
प्रकृतिको सुन्दरतम रचना,
सायद सर्वोत्कृष्ट रचना ।
घमण्ड थियो उसमा
‘कि भ्रम…’?
सारा ब्रह्माण्ड उसको अधिनमा छ ।
अमरत्व प्राप्त गर्ने
उसको अविछिन्न प्रयास
उसलाई झन झन कुरुप बनाउदै थियो ।
बेखबर उ बिनासको अन्तिम पथतिर अग्रसर थियो ‘.
अवको यो अन्तिम पल
म अनवरत प्रार्थनामा छु ।
भगवान, गड, अल्लाह, बुद्ध
आदि इत्यादीसङ्ग निरन्तर सम्बादमा छु ।
हे भगवान, हे गड,
हे अल्लाह, हे बुद्ध,
मानव अस्तित्व बिलुप्त नपार,
जसरी हुन्छ–बिन्ती जोगाइदेउ एकजोडी बिउ ।
मैले बरदान पाउछु होला ?
के एकजोडी मानव बीउ जोगिएला ?
वि.सं.२०७७ वैशाख १३ शनिवार १०:२१ मा प्रकाशित
