हामी सबैकाे संसारन्यूज

९ जेठ, काठमाण्डौं । नेपालमा विहिबार (जेठ ९) सम्म र्यापिड र पिसीआर प्रविधि दुवैबाट १ लाख २४ हजार ६०४ कोरोना परीक्षण गरिएको छ । जसमा पछिल्लो २४ घण्टामा ७,२४० जनामा कोरोना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार आजसम्म पिसीआर प्रविधिबाट ४२ हजार ४०८ र आरडिटी प्रविधिबाट ८२ हजार ११६ परीक्षण गरिएको हो ।

प्रदेश परीक्षण विवरण
त्यसैगरी प्रदेश नं १ मा ९,९२० प्रदेश नं २ मा ६,२९५, बाग्मती प्रदेशमा १९०९३ गण्डकी प्रदेशमा ७०१८ प्रदेश नं ५ मा ११०८१, कर्णाली प्रदेशमा ८०६० र सुदूरपश्चिम प्रदेशमा १९७०८ जनामा आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा २७ हजार ८२९ जना रहेका छन् । जसमा प्रदेश नं १ मा १,४१४ प्रदेश नं २ मा ५,९०६ बाग्मती प्रदेशमा ४७८, गण्डकी प्रदेशमा ४७८, प्रदेश नं ५ मा १५,९८९ कर्णाली प्रदेशमा ७३५ र सुदूरपश्चिम प्रदेशमा २६२९ जना रहेको स्वास्थ्य मन्त्रालयले शुक्रबार (जेठ ९ गते) को नियमित पत्रकार सम्मेलनमा जानकारी दिएको हो ।

आइसोलेसन र रेडजोनमा
आजसम्म आइसोलेसनमा रहनेको संख्या ४३३ पुगेको छ । जसमा प्रदेश १ मा ५८, प्रदेश २ मा १४८, बाग्मती प्रदेशमा १८, गण्डकी प्रदेशमा ३, प्रदेश नम्बर ५ मा २०३, कर्णाली प्रदेशमा १ र सुदूरपश्चिम प्रदेशमा ५ रहेका छन् ।
त्यस्तै आजसम्म रेडजोन (संभावित संक्रमित) मा रहेकाको संख्या ४३९ पुगेको छ । पछिल्लो २४ घण्टामा ४ जना थपिएका हुन् । उनीहरुको कन्ट्याक ट्रेसिङ कार्य भइरहेको बताइएको छ ।

२० जना नयाँ संक्रमित थपिए, नेपालमा संक्रमितको संख्या ५०७ पुग्यो

आज एकैदिन ४९ जना नयाँ संक्रमित भेटिए, संक्रमितको संख्या ५०७ पुग्यो
नेपालमा आज एकैदिन ४९ जना संक्रमित भेटिएका छन् । जसमा पछिल्लोपटक थपिएका १९ जनामा बाँकेका मात्र १४ जना रहेका छन् । भेरी अस्पताल बाँकेको प्रयोगशालामा गरिएको परीक्षणमा नरैनापुरका १३ जना र राप्ती सोनालीका १८ वर्षीय पुरुष रहेका छन् । उनीहरुको उमेर समुह १८ देखि ६१ वर्षीय रहेको छ ।

त्यस्तै सेतिप्रादेशीक अस्पतालमा गरिएको परीक्षणमा कैलालीको जानकीमाई गाउँपालिकाको सरस्वती माविको क्वारेन्टाइनमा बसेका १९, २३, २६ वर्षीय पुरुष रहेका छन् ।
डडेल्धुरा फर्शुराम–१० का २८ वर्षीय, बैतडी शिवनाथ–१ का २२ वर्षीय र मोरङ रतुवामाई–२ का ४१ वर्षीय पुरुष रहेका छन् ।

बिहानै थपिए ३० जना कोरोना संक्रमित, संक्रमितको संख्या ४८७ पुग्यो

त्यस्तै आज बिहान राष्ट्रिय जनस्वास्थ्य प्रयोगशाला टेकु र भरतपुर अस्पताल, चितवनमा गरिएको परीक्षणमा ३० जनामा संक्रमण पुष्टि भएको थियो । जसमा नवलपरासी (बर्दघाट सुस्ता पूर्व) विनय त्रिवेणी गाउँपालिका ६ का ४५ वर्षीय, भरतपुर महानगरपालिका ६ केसरबाघ चितवनका ७४ वर्षीय पुरुष र ७३ वर्षीया महिला रहेका छन् ।
त्यस्तै नवलपरासी सुस्ता गाउँपालिका ५ र राम्रगाम नगरपालिका ३ का दुइजना ३३ वर्षीय पुरुष र १५ वर्षिया युवती रहेकी छन् ।

कपिलवस्तु वाणगंगा नगरपालिका र मायादेवी गाउँपलिका निवासी २४, २५, २७, २९,२४,३६,४५,५३ वर्षीय पुरुषहरु र ८ वर्षीया बालिका रहेकी छन् ।

सर्लाही गौडेता नगरपालिका वडा नं ८, ९, ११, १३ र १४ तथा रामनगर बहुअर्वा गाउँपलिका ७ निवासी २२, २२, २४, २५, २५, २७, ३२, ३४, ३४, ३५, ३८, ३८, ३८, ३९ र १८ वर्षीया युवती रहेको स्वास्थ्य तथा जनसंख्या मन्त्रालयले जानकारी दिएको छ ।
हालसम्म संक्रमित पुष्टि भएका ५०७ जनामा पुरुष ४३३ र महिलाको संख्या ७४ रहेको छ ।

संक्रमित व्यक्ति धेरै भेटिनेमा प्रदेश ५ पहिलो बन्यो, अन्य प्रदेशमा कति छन् त ?
हालसम्म सातै प्रदेशका ४० जिल्लामा कोरोना संक्रमित भेटिएका छन् । जसमा सबैभन्दा बढी संक्रमित फेला परेकामा प्रदेश ५ रहेको छ । त्यहाँ हालसम्म २२७ जना संक्रमित भेटिएका छन् । दोश्रोमा प्रदेश नम्बर २ रहेको छ त्यहाँ १५१ जना संक्रमित भेटिएका छन् । तेश्रोमा प्रदेश १ रहेको छ । त्यहाँ हालसम्म संक्रमितको संख्या ८५ पुगेको छ । चौथोमा बाग्मती प्रदेश जहाँ २८ जना संक्रमित भेटिएका छन् । पाँचौमा गण्डकी प्रदेश त्यहाँ संक्रमितकमो संख्या ५ रहेको छ । छैटौमा सुदूर पश्चिम प्रदेश ५ जना संक्रमित भेटिएका छन् । साथै सातौमा कर्णाली प्रदेश रहेको त्यहाँ १ जना मात्र संक्रमित भेटिएका छन् ।

निको हुनेको संख्या ७० पुग्यो
नेपालमा पछिल्लोपटक कोरोना संक्रमणबाट निको हुनेको संख्या दिनहुँ बढेको छ ।
बाँकेको खजुरामा रहेको शुसील कोइराला क्यान्सर प्रखर अस्पतालबाट आज २१ जना कोरोना संक्रमणबाट मुक्त भएका हुन् ।

अस्पतालका अनुसार उनीहरु २१ दिनको अस्पताल बसाईपछि घर फर्किएका हुन् । जसमा ९ महिला र १२ पुरुष रहेका छन् । उनीहरुको उमेर समुह १ देखि ६० वर्ष उमेर समुहका छन् ।
निको हुनेमा बाँके नेपालगन्ज ८ का पहिलो संक्रमित ६० वर्षीय पुरुष लगायत २१ जना निको भएर अस्पतालबाट डिस्चार्ज भएका हुन् । उनीहरुको लगातार गरिएको दोश्रो रिर्पोट नेगेटिभ आएपछि डिस्चार्ज गरिएको हो ।

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कुन प्रदेशमा कतिजना डिस्चार्ज भए त ?
नेपालमा हालसम्म कोरोना संक्रमणबाट मुक्त भएर अस्पतालबाट डिस्चार्ज हुनेमा प्रदेश १ मा २६, प्रदेश २ मा ६, बाग्मती प्रदेशमा ९, गण्डकी प्रदेशमा २, प्रदेश नम्बर ५ मा २२ र सुदूर पश्चिम प्रदेशमा ५ जना रहेका छन् ।

मृत्यु हुनेको संख्या ३
नेपालमा हालसम्म कोरोना संक्रमणबाट मृत्यु हुनेको संख्या ३ पुगेको छ । जसमा जेठ १ गते सिन्धुपाल्चोककी २९ वर्षीया सुत्केरी महिलाको धुलीखेल अस्पतालमा उपचारको क्रममा मृत्यु भएको थियो । उनको कोरोना संक्रमणबाट मृत्यु भएको घोषणा जेठ ३ गते गरिएको थियो । उनी कोरोना संक्रमणबाट नेपालमा मृत्यु हुने पहिलो व्यक्ति हुन् ।

त्यस्तै जेठ ४ गते बाँके नरैनापुरका २५ वर्षीय युवाको क्वारेन्टाइनमै रहेका बेला मृत्यु भएको छ भने गुल्मीका ४१ वर्षीय शिक्षकको रुपन्देहीको क्रिमशन अस्पतालमा जेठ ७ गते उपचारका क्रममा मृत्यु भएको हो ।

नेपालमा आजसम्मको कोरोना अपडेटः झण्डै ३९ हजार पिसीआर परीक्षण, ४५३ संक्रमित र रेडजोनमा ४३५ जना