हामी सबैकाे संसारन्यूज

५ असार, अफ्रिका । गैरआवासीय नेपाली संघ (एनआरएनए) को अफ्रिका क्षेत्रका महिला संयोजकहरुको प्रथम बैठक आइतबार (जुन १४) जुम मार्फत सम्पन्न गरिएको छ ।

एनआरएनए अफ्रिका क्षेत्रको क्षेत्रीय महिला संयोजक मन थापाको अध्यक्षतामा सम्पन्न बैठकमा एनआरएनए आइसीसी उपाध्यक्ष रविना थापा र महिला संयोजक भोमा लिम्बुको बिशेष उपस्थित रहेको थियो ।

बैठकका सहभागीहरुमा नाइजेरियाबाट निकि गुप्ता र अन्जु पौडेल, युगाण्डाबाट तारा गिरी र बर्षा क्षेत्री, केन्याबाट कुमारी क्षेत्री, घानाबाट संजना गौतम मगर र मोजाम्बिकबाट शारदा पौडेल रायको उपस्थिति रहेको थियो ।

बैठकमा अफ्रिकाका विभिन्न देशका संयोजकहरुले एनआरएन महिलाहरुको अबस्था र एनसीसीहरुले गरेका कार्यहरुको बारेमा जानकारी गराएका थिए । साथै आकर्षक रोजगारीको प्रलोभनमा मानब तस्करको चंगुलमा परेर अफ्रिकासम्म आइपुगेका नेपाली महिलाहरुले भोग्नुपरेको समस्याका बारेमा पनि बैठकमा छलपल र चर्चा गरिएको थियो ।

रोजगारीका लागि साउथ अफ्रिका पुगेका नेपाली महिलाहरुले कोभिड १९ को बन्दाबन्दीका कारण भोगिरहेको समस्याका बारेमा समेत छलपल गरिएको बताइएको छ ।

बैठकमा संघकी केन्द्रीय उपाध्यक्ष रबिना थापाले एनआरएनए आइसीसीले महिलाहरुका लागि गरिरहेका कार्यक्रमहरुका बारेमा जाननकारी दिएकी थिइन् भने, महिला संयोजक भुमा लिम्बुले अफ्रिकामा अप्ठ्यारो परेका महिलाहरुलाई आबश्यक सहयोग गर्न अनुरोध गर्न अनुरोध गरेकी थिइन् ।

बैठकले अफ्रिका क्षेत्रका महिलाहरुको नियमित बैठक गर्ने, कोभिडका कारणले अप्ठ्यारोमा परेका महिलाहरुका लागि सहयोग गर्ने र महिलाहरुको छुट्टै कोष निर्माण गरि नेपालमा महिलालाई शिक्षा, स्वास्थ्य लगायत क्षेत्रमा सहयोग पुर्याउने निर्णय गरेको थियो । अफ्रिका क्षेत्रिय संयोजक मन थापाले बताएकी छन् ।