हामी सबैकाे संसारन्यूज

१४ साउन, काठमाण्डौं । नेपालमा बुधबार (१४ साउन) सम्म पिसीआर प्रविधिबाट ३ लाख ५८ हजार ३४४ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ६,०३७ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले बुधबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशका विभिन्न अस्पताल तथा आइसोलेशन सेन्टरहरुमा ५,३६० जनाको उपचार भइरहेको छ । साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या १४ हजार ४७१ रहेको छ । यो संख्या दिनप्रतिदिन घटिरहेको छ ।

आज थपिएका २१० जनासँगै नेपालमा हालसम्म संक्रमितको संख्या १९ हजार २७३ पुगेको छ भने आज निको भएर १४६ डिस्चार्ज भएसँगै नेपालमा हालसम्म १४ हजार २१ जना कोरोना संक्रमणबाट मुक्त भएका छन् । साथै हालसम्म मृतकको संख्या ४९ पुगेको छ ।

आज काठमाण्डौंका चौधसहित २१० जनामा कोरोना संक्रमण
नेपालमा आज २१० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज सबैभन्दा बढी डोटीमा ५२, पर्सामा ३४, स्याङजामा २६, काठमाण्डौंमा १४, महोत्तरीमा १४ र धनुषामा १२ जनामा कोरोना संक्रमण पुष्टि भएको छ ।

आज काठमाण्डौंका चौधसहित २१० जनामा कोरोना संक्रमण, संक्रमितको संख्या १९,२७३ पुग्यो

त्यस्तै मोरङमा ८, कैलालीमा ८, कन्चनपुरमा ८, बाग्लुङमा ७, धादिङमा ७, कपिलवस्तु, नवलपरासीपूर्व, सप्तरी, म्याग्दी र बैतडीमा २÷२ जना र सर्लाही, भक्तपुर,रौतहट, तनहुँ, सुर्खेत र सुनसरीमा १\१ जना गरी आज जम्मा २१० जनामा संक्रमण पुष्टि भएको छ । आज थपिएका २१० जना थपिएसँगै सँगै नेपालमा कोरोना संक्रमितको कूल संख्या १९ हजार २७३ पुगेको छ ।

कुन प्रदेशमा कति छन् त सक्रिय संक्रमित ?
त्यस्तै सक्रिय संक्रमित ५,२०३ जनामा प्रदेश १ मा २२६ प्रदेश २ मा १९८२, बाग्मति प्रदेशमा ४८३ गण्डकी प्रदेशमा २८८ प्रदेश नं ५ मा ४०१ कर्णाली प्रदेशमा ३०२ र सुदूरपश्चिम प्रदेशमा १,५२१ जना संक्रमितको विभिन्न अस्पतालमा उपचार भइरहेको स्वास्थ्य मन्त्रालयले जानकारी दिएको छ ।

आज १४६ जनाले कोरोनालाई जितेर घर फर्किए
नेपालमा आज १४६ जनाले कोरोनालाई जितेर घर फर्किएका छन् ।
स्वास्थ्य तथा जनसंख्या मन्त्रालयका अनुसार देशका विभिन्न अस्पताल तथा आइसोलेशनमा उपचाररत १४६ जना संक्रमणबाट निको भएर घर फर्किएका हुन् ।
आज १४६ जना निको भएसँगै नेपालमा कोरोना संक्रमणबाट निको हुनेको संख्या १४ हजार २१ पुगेको छ ।

कूल संक्रमित मध्ये निको हुनेको यो ७२.७ प्रतिशत रहेको मन्त्रालयले जानकारी दिएको छ ।

हालसम्म कुन प्रदेशमा कति डिस्चार्ज भए त ?
प्रदेश १ मा ७८९, प्रदेश २ मा ३,०१८, बाग्मति प्रदेशमा ५१८, गण्डकी प्रदेशमा १,२२७, प्रदेश नं ५ मा ३,९१०, कर्णाली प्रदेशमा १,६८६ र सुदूरपश्चिम प्रदेशमा २,८२१ गरी १४ हजार २१ जना कोरोनाबाट निको भएर घर फकिएका हुन् ।

त्यसैगरीमन्त्रालयका अनुसार  संक्रमित शून्य भएका ५ जिल्लामा भोजपुर, संखुवासभा, रसुवा, मनाङ र मुस्ताङ रहेका छन् ।

यस्तो छ क्वारेन्टिनमा रहनेको प्रदेश विवरण
प्रदेश १ मा १८४२ प्रदेश २ मा १८४९, बाग्मती प्रदेशमा १,०३५, गण्डकी प्रदेशमा ३,३८२, प्रदेश नं ५ मा १८२४ कर्णाली प्रदेशमा ६४३ र सुदूरपश्चिम प्रदेशमा ३०९६ जना रहेका छन् ।

यस्तो छ हेर्नुहोस् नेपालमा साउन १३ गतेसम्मको कोरोना अपडेटको पूर्ण विवरण