हामी सबैकाे संसारन्यूज

१९ मंसिर । हङकङमा कोरोना भाइरसबाट पहिलो पटक एक नेपालीको मृत्यु भएको छ ।

मृत्यु हुनेमा भुपुमन्त्री चन्द्र सिङ घलेकी श्रीमती सुष्मा घले रहेको गैरआवासीय नेपाली संघकी अध्यक्ष राधिका गुरुङ (टिका) ले सामाजिक सञ्जालमा लेखेकी छन् ।

कोरोना संक्रमित ७३ वर्षीया घलेको बुधवार क्वीन एलिजाबेथ अस्पतालमा मृत्यु भएको हो । पोखरा घर भएकी उनी सेप्टेम्बर पहिलो साता नेपालबाट हङकङ गएकी थिइन् ।

दीर्घकालीन रोगले पीडित घलेलाई अक्टोबरको शुरूमा ज्वरो, बान्ता र पखाला लागेपछि अस्पतालमा भर्ना गरिएको थियो।
उपचारपछि कोरोना परीक्षण नेगेटिभ पाइएसँगै उनी क्वारेन्टिनबाट निस्केकी थिइन्। श्वास प्रश्वासको समस्या देखिएपछि उनलाई पुनः अस्पताल भर्ना गरीएको थियो । उनको आईसीयुमा उपचारकै क्रममा मृत्यु भएको जनाइएको छ।