हामी सबैकाे संसारन्यूज

१३ अगस्त, जापान । नेपाली विद्यार्थी समाज जापानले सल्लाहकार समिति चयन गरेको छ ।

समाजले आफ्ना गतिविधीहरुलाई थप सक्रिय रुपमा अघि बढाउनका लागि २०२१–२०२३ कार्यकालका लागि संरक्षक तथा सल्लाहाकार समिती समेत चयन गरेको हो ।

समाजका अध्यक्ष अजय रानाका अनुसार प्रमुख सल्लहाकारमा नेसाजका पूर्वअध्यक्ष समेत रहेका डा. सरोज कंडेल र संरक्षकमा नेसाजका निवर्तमान अध्यक्ष कृष्ण प्रसाद भुसाल तथा सल्लाहकारहरुमा गोबिन्द श्रेष्ठ, डा. सुदिप अधिकारी, डा. वेद काफ्ले, डा. हरी देवकोटा, डा. होम बहादुर रिजाल, डा. भरत नेगी, शिव प्रसाद पौडेल, जिज्ञान कुमार थापा, दिपक कार्की, नरेन्द्र कुमार बस्नेत, रिशभ पौडेल र बिमल अधिकारी रहेका छन् ।

सल्लाहकार समितिबारे बताउँदै समाजका महासचिव सन्जय कार्कीले समितिका सबै सल्लाहकारको सल्लाह सुझावले संस्थालाई अझ उचाइमा पुर्याउने कुरामा बिस्वस्त रहेको बताएका छन् ।

त्यस्तै समाजका सदस्य रोशन भट्टराईले जापान रहेका विद्यार्थीहरुमा आइपर्ने कुनै पनि समस्या समाधानका लागि नेपाली विद्यार्थी समाज जापान सदैव तयार रहेको बताए ।

सन् १९९७ मा स्थापना गरिएको नेपाली विधार्थी समाज जापान (नेसाज) ले स्थापनाकालदेखी नै जापानमा अध्यनरत नेपाली विद्यार्थीहरुको समस्या समाधानमा सहजिकरण गर्दै आइरहेको छ । साथै विद्यार्थीहरुमा रहेको प्रतिभालाई उजागर गर्नका लागि जापानी भाषा वक्तत्वकला प्रतियोगिता तथा विभिन्न क्षेत्रमा अध्ययन–अनुसन्धान गरेका व्यक्तित्वहरुका बिचमा गोष्ठी, ज्ञान सिपको आदान–प्रदान लगायत विभिन्न ज्ञानमुलक कार्यक्रमहरु समेत गर्दै आईहेको छ ।