Sansar News
१
कोही सित पनि रिसाएर नबसौँ
खुसले अर्कालाई र रिसले आफूलाई खान्छ
बिनसित्ती मुटु चिसाएर नबसौँ ।
२
यो लामो जिन्दगी छ हाँसेर बाँचौँ
ठुलालाई आदर र सानालाई माया गर्दै
सदैव माया प्रेम गाँसेर बाँचौँ ।
३
हाँसो खुसीले रमाएको राम्रो
शत्रुहरुसँग रिस राग राख्दै नराखी कन
दुःख गरेर कमाएको राम्रो ।
४
सबैको भलो होस् भनी चिताउनु पर्छ
मनमा पाप भन्ने कुरा राख्नु हुँदैन कसैले
दुःख र सुख सँगसँगै बिताउनु पर्छ ।
५
सुख पाइयो भनी मात्तिएर हुँदैन्
सधैँभरि संयमित भएर रहने गरौँ
दुःख पर्यो भनेर आत्तिएर हुँदैन् ।
वि.सं.२०७८ भदौ ५ शनिवार ०७:३० मा प्रकाशित
