हामी सबैकाे संसारन्यूज

२० भदौ, बुखारेस्ट, रोमानिया । प्रत्येक २ बर्षमा महाधिवेशन गर्नुपर्ने विधान अनुरुप गैर आवासिय नेपाली संघ राष्ट्रिय समन्वय परिषद रोमानियाको सातौं राष्ट्रिय महाधिवेशन सफलताका साथ रोमानियाको राजधानी बुखारेस्ट शहरमा सम्पन्न भएको छ। महाधिवेशनले सर्वसम्मत रुपमा २९ सदस्यीय नयाँ कार्य समिति २०२१-२०२३ गठन ग¥यो।

गैरआवासीय नेपाली संघ राष्ट्रिय समन्वय परिषद रोमानियाको राष्ट्रिय महाधिवेशनको सफलताका लागि गैरआवासीय नेपाली संघ अन्तराष्ट्रिय समन्वय परिषद यूरोपका सहसंयोजक शुक्रराज न्यौपानेको पहलमा महाधिबेशन सम्पन्न भएको थियो।

राष्ट्रिय महाधिवेशनले एनआरएनए रोमानियाका संस्थापक अध्यक्ष तथा रोमानियाका लागि नेपाली अवैतनिक वाणिज्यदूत नवराज पोखरेललाई प्रमुख संरक्षकमा, पूर्ब अध्यक्ष आलोक साहलाई संरक्षकमा, सुरेन्द्र गौतमलाई आईसीसी सदस्यमा, डा अमित रिजाललाई सल्लाहकारमा र खगेन्द्र अधिकारीलाई अध्यक्ष पदमा निर्बिरोध चयन गरेको छ।

अधिवेशन रोमानियाका लागि अवैतनिक वाणिज्यदूत नवराज पोखरेलको अध्यक्षतामा बुखारेस्ट स्थित नेपाली एभरेष्ट रेष्टुरेण्टमा सम्पन्न भएको थियो। समारोहको अन्त्यमा रेष्टुरेण्टका सञ्चालक तथा निर्बिरोध चयन भएको आईसीसी सदस्य सुरेन्द्र गौतमले एभरेष्ट रेष्टुरेण्टका तर्फबाट सम्पूर्ण सहभागीहरूलाई निस्शुल्क जलपान तथा नेपाली संस्कृति र परम्परा अनुसार तयार गरिएका नेपाली परिकार र नेपाली खानाको ब्यबस्था गरेका थिए ।

यस्तो छ नयाँ कार्यसमिति

प्रमुख संरक्षक : नवराज पोखरेल
संरक्षक : आलोक साह
सल्लाहकार : डा अमित रिजाल
आईसीसी सदस्य : सुरेन्द्र गौतम
अध्यक्ष : खगेन्द्र अधिकारी
बरिष्ठ उपाध्यक्ष : ल्हाक्पा तेन्जी लामा शेर्पा
उपाध्यक्ष : गोपाल खड्का
महासचिव : फुर्साङ लामा
सचिव : प्रकाश चन्द
कोषाध्यक्ष : बिजय कुँवर
सहकोषाध्यक्ष : सन्दिप शाह
युवा प्रतिनिधि : सबिन आचार्य
प्रवक्ता : युवराज लामिछाने
महिला प्रतिनिधि : शोभा मानन्धर