हामी सबैकाे संसारन्यूज

मनीषकुमार शर्मा ‘समित’, मध्यपुर थिमी

‘खोइ त यही हो तपाईंले गरेको लगानी ? त्यत्रो कृषि अनुदान लिनुभएको छ । खै त्यो पैसा कहाँ खर्च गर्नुभयो ? जथाभाबी खर्च गरेर हुन्छ, हिसाब देखाउनुस् ।’
– अनुगमन अधिकारीले अलि झर्को मानेर भने ।

‘किन रिसाउनु हुन्छ सर, मसँग एक–एक हिसाब छ । ल हेर्नुस् हिसाब ।’
– पीडित किसानलले सहज उत्तर दियो ।

आम्दानी

सरकारी स्वीकृत अनुदान रु. ५०,००,०००।–

खर्च
(१) अनुदान स्वीकृत गरिदिने सरकारी उच्चपदस्थ अधिकारीलाई
अनुदानको ५० प्रतिशतले हुन आउने रु. २५,००,००० ।–

(२) अनुदान स्वीकृतको लागि बिचमा भूमिका निभाउने
मित्रबन्धुहरूलाई रु. १०,००,०००।–

(३) अनुदान स्वीकृत गराउन लागेको बेला खाने बस्ने
तथा सवारी खर्च रु. १,००,०००।–

(४) परियोजना तयार गर्दा लागेको लागत रु. १,००,०००।–

(५) जग्गा भाडाबापत (एक वर्षको) रु. १,००,०००।–

(६) जग्गा बेराबारा गर्दा लागेको खर्च रु. १,००,०००।–

(७) स्थानीय अनुगमन टोली खर्च रु. २०,०००।–

(८) खोर र गोठ बनाउन लागेको खर्च रु. १०,००,०००।–

(९) बाख्रा –३ बोका –२ र केही कुखुराको चल्ला

आदि खरिद रु. ५०,०००।–

(१०) घाँस–दाना खर्च रु. २५०००।–

जम्मा खर्च रु. ४९,९५,०००।–

बाँकि रकम रु. ५,०००।–

‘लिनुस हजुर । हजुरको भागमा यही ५,०००।– रहेको छ ।’