Sansar News
स्वर्ण शिखा,दाङ
गर्यौँ हामीले गन्थन इसारै इसाराले
प्रियाले दिइन् चुम्बन इसारै इसाराले
अगाडि सबै उनको प्रशंसा निकै गर्छन्
पछाडि कुरा काट्छन् इसारै इसाराले
मेरो बाटो छेक्ने दम थिएन उनीसङ्ग
पठाए मेरा दुस्मन इसारै इसाराले
फटाहाहरू सामू पुगेका थिए सज्जन
प्रमाणित गरे दुर्जन इसारै इसाराले
सयौँ शब्दले भन्नै नसक्ने कुरा जे छन्
ती सब भन्दछन् लोचन इसारै इसाराले
बहर : तबील मुसम्मन सालिम
अर्कान : फऊलुन् मफाईलुन् फऊलुन् मफाईलुन्
वजन : १२२ १२२२ १२२ १२२२
स्रोतः परिश्रमी पाठशाला
वि.सं.२०८० माघ ६ शनिवार ०७:४६ मा प्रकाशित
