back

कविता : समस्या पूर्ति

वि.सं.२०८० माघ १३ शनिवार

627 

shares
NTC AD
Global IME AD

दीनानाथ पोख्रेल, सुम्बेक, इलाम

सारा फाँट खुली पहेँलपुर छन् सङ्कष्ट बिर्साउँछन् ।
चोखा कर्म चुनेर बढ्नुछ भनी यो आरती गाउँछन् ।।
हाँस्छन् मानव चेत सौख्य बटुली आफैँ बहाडी बनी ।
डुल्छन् भाव अनेक दिव्य दिलमा शोभा शरद् मोहनी ।।०१।।

उम्दा चाड दसैँ तिहार छठले छर्छन् उजेलो पर ।
चिन्ता ताप तनाव दुर्गुण सबै फ्याँकेर रम्छन् घर ।।
देवी दुर्गति नाशिनी भगवती पुज्दै पुजारी बनी ।
डुल्छन् भाव अनेक दिव्य दिलमा शोभा शरद् मोहनी ।।०२।।

प्रातः काल हुँदा छ शीत मधुरो आनन्द बर्साउँछ ।
मानेपात बटुल्छ दृष्टि सबको मोती सरी छाउँछ ।।
भिन्नै दृश्य छ चेतका हरकुना उठ्छन् सुकर्मी बनी ।
डुल्छन् भाव अनेक दिव्य दिलमा शोभा शरद् मोहनी ।।०३।।

टल्के दिव्य ललाटमा मिलनका झन् सप्तरङ्गी टिका ।
हेरोस् नित्य खुलेर यो सुखदमा ती सूर्य लाग्छन् फिका ।।
उम्दा छन् सब चालढाल जनका को सक्छ जम्मै भनी ।
डुल्छन् भाव अनेक दिव्य दिलमा शोभा शरद् मोहनी ।।०४।।

राता छन् सबका निधार रँगले छर्दो छ सन्मङ्गल ।
भाग्छन् दर्द विकार दुष्ट दिलका सन्तापका जङ्गल ।।
पाई आदिको उठ्दछन् दिल उँभो अग्लेर चङ्गा बनी ।
डुल्छन् भाव अनेक दिव्य दिलमा शोभा शरद् मोहनी ।।०५।।

झर्दा शीत तुषार झन् मनुजका दुख्छन् चिसाले मन ।
फुर्ती भाग्दछ देहको पर हुँदै बढ्दै बियाँलोपन ।।
भिन्नै वायु बहन्छ भिन्न गतिमा को सक्छ जम्मै भनी ।
डुल्छन् भाव अनेक दिव्य दिलमा शोभा शरद् मोहनी ।।०६।।

फुल्छन् फूल अनेक क्या मखमली ! सुक्दैन भन्छन् सब ।
डुल्छन् सुन्दर दृश्य भाव मनमा उल्लास बाँड्दो भव ।।
जम्मै उल्झन टाढिए भुवनका उम्दा हुँदा जीवनी ।
डुल्छन् भाव अनेक दिव्य दिलमा शोभा शरद् मोहनी ।।०७।।

पुज्छन् भाष्कर हर्षले मनुजले सङ्लो छ आराधना ।
दैवी चिन्मय चेत बोक्दछ खुली गर्दै स्वयम् साधना ।।
हट्छन् चञ्चलता विकार मनका उत्कृष्ट आशा बनी ।
डुल्छन् भाव अनेक दिव्य दिलमा शोभा शरद् मोहनी ।।०८।।

समस्या: डुल्छन् भाव अनेक दिव्य दिलमा शोभा शरद् मोहनी ।।
छन्द : शार्दूलविक्रीडित
विश्राम : बाह्र र पादान्तमा
गण : म स ज स त त गु
सङ्केत :SSS   ISS   ISI     IIS   SSI  SSI  S

 

वि.सं.२०८० माघ १३ शनिवार ०७:२० मा प्रकाशित

NLIC AD
NABIL bank AD
गजल

गजल

गजल- १ डा. घनश्याम परिश्रमी आवाज आज मनको सुनेनौ तिमीले...

राप्ती साहित्य परिषद् दाङको अध्यक्षमा यम रेग्मी

राप्ती साहित्य परिषद् दाङको अध्यक्षमा यम रेग्मी

दाङ । राप्ती साहित्य परिषद् दाङ शाखाको १६ औं वार्षिक...

कविता : अनादर नगरौँ

कविता : अनादर नगरौँ

पौडेल विमुन्स, कास्की आफैंले दिनरात जप्न सकियो मन्त्रादि नानाथरि जप्दा...

टुक्का कविताहरू

टुक्का कविताहरू

ईन्दु श्रेष्ठ,चितवन १. जीवनमा मोक्ष पाउन गर्नु पर्छ कर्म दीन...

कविता : अखण्ड ज्योति

कविता : अखण्ड ज्योति

कलानिधि दाहाल, काठमाडौं धप्प धप्प बलेको छ कतै धप्धपाएर अखण्ड...

सुसेली : फागु विशेष

सुसेली : फागु विशेष

माधवलाल श्रेष्ठ नाला, काभ्रेपलाञ्चोक १ फागु पूर्णिमा सबै मिलि रमाऔ...